សេចក្ដីថ្លែងការណ៍រួម នៅក្នុងឱកាសនៃទិវានារីអន្តរជាតិឆ្នាំ២០២០ អង្គការសង្គមស៊ីវិលអំពាវនាវ ឱ្យរដ្ឋាភិបាលផ្តល់អាទិភាពលើសិទ្ធិស្ត្រី
នៅក្នុងឱកាសនៃទិវានារីអន្តរជាតិ ថ្ងៃទី០៨ ខែមីនា ឆ្នាំ២០២០ នេះ អង្គការសង្គមស៊ីវិល ដែលមានរាយនាមខាងក្រោម សូមទទូចឱ្យរាជរដ្ឋាភិបាលកម្ពុជាផ្តល់អាទិភាពលើសិទ្ធិស្ត្រី តាមរយៈការចាត់ វិធានការបន្ទាន់និងជាក់លាក់ ក្នុងការអនុវត្តអនុសាសន៍ដែលប្រទេសកម្ពុជាបានទទួលយកក្នុងអំឡុងពេលកិច្ច ប្រជុំនៃការពិនិត្យជាសកលតាមកាលកំណត់(UPR) ជុំទី៣របស់ប្រទេសកម្ពុជា និងអនុសាសន៍ដែលមាន លើកឡើងនៅក្នុងសេចក្ដីសង្កេតសន្និដ្ឋានរបស់គណៈកម្មាធិការនៃអង្គការសហប្រជាជាតិទទួលបន្ទុកលើអនុ សញ្ញាលុបបំបាត់រាល់ទម្រង់នៃការរើសអើងប្រឆាំងនឹងស្ត្រីភេទ (ស៊ី-ដ) ដែលបានចេញបន្ទាប់ពីការពិនិត្យជា ទៀងទាត់លើប្រទេសកម្ពុជាក្នុងឆ្នាំ២០១៩។
អង្គការសង្គមស៊ីវិល សូមស្នើឱ្យរដ្ឋាភិបាលអនុវត្តអនុសាសន៍ទាក់ទងនឹងប្រធានបទជាក់លាក់មួយចំនួនដូចខាងក្រោម ៖
- ពង្រឹងក្របខ័ណ្ឌច្បាប់
- ថវិកាឆ្លើយតបទៅនឹងយេនឌ័រ និងយន្តការជាតិសម្រាប់លើកកម្ពស់ស្ត្រី
- សេរីភាពក្នុងការបញ្ចេញមតិសម្រាប់សង្គមស៊ីវិល
- ការលុបបំបាត់ឧបសគ្គរបស់ក្មេងស្រីក្នុងការទទួលបានការអប់រំ ការលើកទឹក ចិត្តដល់ស្ត្រីឱ្យសិក្សាអំពីវិទ្យាសាស្ត្រ ហើយនិងការបណ្ដុះបណ្ដាលដល់គ្រូទាំងអស់អំពីសមភាពយេនឌ័រ
សំឡេងយើងដើម្បីសមភាពយេនឌ័រ
